CON PARTITURAS.

Din que a terra non se posúe: pertence a quen a sente, a quen a traballa e a quen a lembra. O certo é que Erick Feles, venezolano de nacemento e galego de corazón, ten demostrado ao longo da súa traxectoria un fondo compromiso coa gaita de fol, co desexo de crear música pensada para este instrumento e, sobre todo, cun ideario sempre centrado na ampliación do xa extenso repertorio gaiteiril mediante novas técnicas e linguaxes.

Neste traballo poderán atoparse dende obras de nova creación que beben da música de raíz, tras unha análise exhaustiva dos estilos de Perfecto Feijóo descritos no Cancioneiro Musical de Galicia de Casto Sampedro, entre outros estilos da música folclórica galega, así como a fusión dun alalá en estilo contrapuntístico a modo de fuga barroca.

Estamos, pois, ante unha das primeiras antoloxías musicais do autor, na que recolle obras de moi diversa índole: dende composicións propias, pasando por pezas inspiradas en estilos moi característicos, ata obras escritas en linguaxes tradicionalmente vencelladas á música erudita e fusionadas coa música de raíz folclórica.

Erick Feles, tamén coñecido como Erick Corrente, é un mozo valenciano nacido o 19 de xaneiro de 1987 no seo dunha familia de artistas carabobeños, escultores, artistas plásticos, músicos e luthiers. Iniciou a súa carreira musical aos tan só 7 anos con estudos básicos de lectura de partitura e execución de piano. Continuou os seus estudos anos máis tarde con percusión latina, rítmica e música jazz aplicada á batería, e desde o 2001, con outros instrumentos e gaitas de fol, o que fai del un músico completo tanto en ritmo coma en harmonía.

Desde 2005, Erick Feles comezou a súa carreira musical como solista coa súa primeira produción discográfica, titulada "Galician Celtic Feelings", proxectándose no exterior en países como Brasil e España. Tamén traballou en conxunto coa Compañía Makandal e a Agrupación Cultural Aires da Terra, e foi representante de Venezuela no XIX Concurso de Gaita Constantino Bellón, onde obtivo o premio "Gaiteiro de Soutelo" (primeiro lugar para participantes estranxeiros).

Na actualidade preocupouse por levar a cabo a execución de moitos instrumentos nas súas producións discográficas, definindo un traballo de arranxos musicais como multiinstrumentista. Tocou para a súa última producción, "A Batalla", instrumentos como gaitas en sol, do, re, la, si, tin whistles, frauta tenor, frauta soprano, ocarinas, asubíos, berimbaos, darbuka, guitarra acústica e eléctrica, baixo, batería, batería electrónica, controladores midi, pianos e voces.

ÍNDICE
1. Pra Avelina
2. Galician Celtic Feeling ...
3. Ramonciño ..
4. Chinesse Forest
5. Intro
6. La Decisión
7. Llegada al Sendero
8. La Reunión
9. El Descanso
10. El Viaje..
11. La Batalla ..
12. Victoria
13. El Luto
14. La Celebración
15. El Regreso
16. Muiñeira del Coyote Cojo
17. Waltzkandal ..
18. Caixa de Gatos
19. A Furriqueira
20. Muiñeira Pentatónica ..
21. Muiñeira contra Muineira
22. Canon para Gaita .
23. Pasodobre de Goián
24. Pasodobre de Tui
25. Dediños..
26. O Segredo Sagrado..
27. Xota do Nuli
28.
Muiñeira de Salceda de Caselas ...
29. Fariña de Millo ..
30. 420
31. Bukake
32. Reelimpressive ..
33. O Fuciño do Porco
34. Samba pra Diegho ...
35. O Furaco
36. Solarium
37. O Ministril
38. A Festa das Lavandeiras
39. Fuga A Miña Burriña
40. Marcha do Matadoiro ..
41. Muiñeira de Riomuiños
42. Muineira do Tripes
43. O Regato Cotarel ...
44. Xota do Traxe ..
45. Muineira Poiensis
46. Xota Poiensis
47. Alalá Poiensis
48. Rabia
49. Rumba das piqui piqui

 ____

Editorial: Dos Acordes 2025
Idioma: Galego
Páxinas: 96
MÚSICA
MÚSICA TRADICIONAL