XXVII Certame de Narración Curta Ánxel Fole.

Narrativa e poesía nunha lectura que explora a fraxilidade adolescente.
Sofía López Fiz desaparece. Para atopar a verdade detrás da súa ausencia, deberás escoitar as múltiples voces que a definen: a da súa nai, a das súas compañeiras de clase, a dos profesores e, sobre todo, a da propia Sofía a través dos poemas do seu caderno. «Principio de superposición» é unha novela polifónica e trepidante. Unha crónica sobre o acoso escolar, a identidade, as amizades que salvan e que traizoan e os silencios que agochan as feridas máis fondas. Fran Fernández Davila mestura narrativa e poesía nunha lectura que explora a fraxilidade adolescente e nos enfronta a unha pregunta estarrecedora: canto coñecemos de verdade a quen temos a carón de nós?

Fran Fernández Davila (Vigo, 1974). Fillo de mecánico naval e de obreira de conserva, é enxeñeiro industrial, profesión que exerce dende o ano 2000 e que compaxina dende 2016 cunha intensa e frutífera traxectoria literaria. Neste tempo publicou cinco novelas e cinco poemarios, entre eles «A senda de sal» (2017), «Alana» (2018), «Mover os marcos» (2019), «O bosque do duque's-Hertogenbosch» (2022), «Primavera. A camareira, o cuarto e o libro de poemas» (2023), «KoNpostEla» (2023), «Groenlandia» (2023) ou «Atravesar o don» (2024). A súa obra, que afonda nas complexidades das relacións humanas con gran sensibilidade, foi distinguida con máis de corenta galardóns tanto en narrativa como en poesía. «Principio de superposición» (Xerais, 2026), a obra gañadora da XXVII edición do Certame de Narración Curta Ánxel Fole, supón a súa aterraxe na colección Fóra de Xogo de Xerais.

____

Editorial: Xerais 02-2026
Idioma: Galego
Páxinas: 160
NARRATIVA
FORA DE XOGO