Për fëmijë +8 vjeç
Nga seria Ologji 

Zbuloni misteret e Egjiptit të lashtë nëpërmjet një ditari me fakte magjepsëse, mbajtur nga zonjusha Emili Sands, e cila nisi një ekspeditë në kërkim të varrit të Osirisit. 

Fatkeqësisht, Sandsi bashkë me ekipin e saj humbasin në shkretëtirë, por ajo lë pas një ditar intrigues, me të gjitha vëzhgimet që ka bërë, të mbushur me vizatime, fotografi e harta të palosura.

Këtë ditar e kemi sjellë te ju me titullin “Egjiptologjia”, që të ndiheni sikur jeni pjesë e ekipit të Sandsit. Bashkë me librin është edhe loja e Senetit me të gjitha elementet e saj, një libërth që ju tregon si të deshifroni hieroglifet, një papirus dhe shumë kërshëri të tjera.

Libri mbyllet me një letër nga ish-ruajtësi i antikiteteve në Muzeun Britanik, i cili shpjegon se cilat pjesë të këtij libri unik mund të pranohen si fakte, cilat janë legjenda dhe cilat janë thjesht fryt i fantazisë.