"Bata pa lang ay namulat na si Sunny na tatlong bagay lang ang kailangan niya sa buhay pera bahay at pamilya. Namuhay siyang mahirap sa loob ng labing-siyam na taon at ngayong bente anyos na siya ay hindi pa rin iyon nagbago. Ang tanging nagbago lang siguro sa kanya ngayon ay ang pagkawala ng kanyang katuwang sa buhay ang kanyang ina. Kahit hindi pa nakakabangon sa sakit, mas pinili niyang magpakatatag at mabuhay para sa sarili at para sa mga pangarap. Life is hard but it’s easy to be strong. Iyon ang panlaban niya sa kalungkutan, ang pagiging matatag at pursigido. She was invincible because of that.
Ano nga ba ang gagawin ni Sunny kung ang magiging hadlang sa kanya upang maabot ang lahat ng kagustuhan ay siya ring magpapaibig sa kanya nang husto? Worse, may magagawa ba talaga siya? Her dreams were easy to achieve. Simple, even. Alam niyang makakaya niya ang lahat basta’t nagtitiwala lang at nangangarap. Ngunit habang tumatagal ay napagtanto niyang may mga bagay palang sadyang mahirap abutin, may mga mundong mahirap pantayan. Ginigiba nito ang bawat paniniwalang siya na mismo ang bumuo."