‘‘Noong nilikha at isinadula ang ‘Agnoia’, bagung-bago syang panlasa sa nakasanayang usaping ‘ismo’ na hitik na usapin nung bagong milenyo. Bago dahil inurirat nya ang kumplikadong karakter at relasyon ng mga tao na nais humubog ng bagong anyo’t laman, at pilit kumawala sa kinahong kamalayan.’’
—Melvin Lee, direktor/aktor

‘‘Paano kung hindi makasakay sa huling biyahe? May pinaghalong tamis, pait, katatawanan at katotohonan — sadyang tapat at mapangahas ang dulang 'Despedida de Soltera' ni Liza Magtoto. Kwento ito ng isang babaeng pinaninindigan ang kanyang kasarinlan, habang pinalilibutan ng mga tradisyunal na pag-iisip na nagsasabing hindi maganda ang tumandang dalaga.’’
—Mae Quesada-Medina, theater artist