Isang gabing pagkakamali. Isang gabing hindi na kailanmang maibabalik.

Matagal nang hinahangaan ni Jesica si Vincent, at buong buhay niya ay hindi niya akalaing mapapansin siya nito. Pero dahil sa isang maling akala, nasaktan lamang siya noong ipinagkatiwala niya ang puso niya rito. At sa dahil sa sakit na iyon, nanghinaan na siya ng loob na ipagtapat rito na nagbunga ang pagsasama nila.

Kung maibabalik lang sana ang nakaraan para maisaayos ang lahat, siguro'y kinuha na ni Jesica ang pagkakataong sabihin ang katotohanan. Ngunit sa muling pagpasok ni Vincent sa buhay niya, kailangan niyang panindigan ang itinagong nakaraan kung gusto niyang matahimik ang kinabukasan.