Napakamahalaga ang dokumentasyon ng mga ambag ng mga pangkat panteatrong umukit ng kasaysayn sa larang dulaan sa ating bansa. Sadyang kapuri-puri ang proyektong ito ng ARTIST, Inc. sa pamumuno ni Edward Perez, isa sa itinuring na moog ng teatro sa Pilipinas. Paksa ng LUBAS ang mga Pilosopiya, pedagohiya, at mga kakaiba at natatanging katangian ng sampung pangkat panteatro na kinilala at ginawaran ng mga gawad-parangal bunga ng kanilang mga makahulugan at makabuluhangmga pagtatanghal. Ang mga praktika ng bawat pangkat ay yamang pangkulturang maipapamana sa susunod na salinlahi ng mga manggagawa at artist sa teatro. Magiging makabuluhang kontribusyon ang LUBAS sa pagmamapa ng mga pamanang kultural na magsisilbing mahahalagang kabatiran upang lubos na maunawaan ng bawat Pilipino ang ating identidad o kakanyahan ng isang bansang may mayamang kultura.

Arthur P. Casanova
Komiyoner
Komisyon sa Wikang Filipino

2022/156pp
bookpaper/paperback